DE BROGGE

De vaort die hef een brogge
En wij kunt daor aoverhen
Wij kunt er aoverhen
Der is altied wel een brogge
En daor magge wij aoverhen
Daor kuw toch aoverhen

Zoe nou en dan, dan longer ik
An het raandtien van de vaort
Dan wi'k allent mar hen die aandere kaant'
't Is net of het daor nooit ies regent
't Is altied opeklaord
Het grös is daor veule gruner
Ik zie gien modder op het laand

De vaort die hef een brogge
Dus daor kan ik aoverhen
Daor kan ik aoverhen
Het gelok gaf mij die brogge
Dus daor gao ik dan aoverhen
Daor muu ik dan aoverhen

Een tegenslag, een min bericht,
Een ongelok, een ströpp'
Een ruzie, of ie bint de fietse kwiet
Verkering uut, een rot gevuul
Ontslag, de centen op
Wat hangerig, een slecht rapport
Wat krig een mèense niet?

Dan wèens ie oe een brogge
En daor wi'j dan aoverhen
Daor wi'j geern aoverhen
Een mooie, grote brogge
Dus daor drekt er aoverhen
Gewoon der aoverhen

Dus gao ies naor die brede vaort
Aj ien de putte zit:
De ofstaand over het water lek dan groot
Ontdek het machtig uutzicht
Ien de veerte aover het riet
En duur aover die brogge
Want det helpt oe uut de nood

De vaort die hef een brogge
Daor kuj zo mar aoverhen
Gewoon der aoverhen
Misschien een smalle brogge
Mar ie kunt er aoverhen
Ie kunt er aoverhen

As het möt make wij een brogge
En daor lope wij aoverhen
Of kroept er aoverhen

FRANS WESTENBRINK

op de cd "Kado veur mij"

naar Frans Westenbrink

Deze pagina is bijgewerkt op