Land aon de grens

D’r zien zoveul plekskes waor je goed laeve kun
Toch is d’r maor één plek waor ik wirklik thuus bun
Misschien niet bijzonder, of erg interessant
Toch bun ik gelukkig op dit stukske land

As kiend wist ik ’t al: dit is mien stek
Bi-j den Eltense Bölt, die magische plek
De velde, ‘t waoter, de torentjes van Spiek
En de Rien stroomt d’r veilig achter den diek

Land aon de grens, land aon de grens,
Hier bun ik thuus, in dit land aon de grens
Land aon de grens, land aon de grens,
Hier bun ik thuus, alles naor wens

Mien familie woont hier, ik kom hier vandaon
Het zou mien spieten, a’k ooit weg moes gaon
Minse zonder thuus, die doen mien zo’n leed
‘t gevuul dat ik heb, dat kenne ze niet

en a’k now gao lope, bi-j den kerk, op den diek
dan zie ik heuvels, waor ik ok kiek
ik zie de Reichswald en de Veluwezoom
Het vuult zo bijzonder, al liek ’t gewoon

Land aon de grens, land aon de grens,
Hier bun ik thuus, in dit land aon de grens
Land aon de grens, land aon de grens,
Hier bun ik thuus, alles naor wens

“Alles naor wens” klink misschien veuls te mooi
a’k toch zie hoe dit land steeds meer wudt veknooid
kantore, A15, de Betuwelijn,
“ach, het zal de vooruitgang wel zijn”

Maor terug van vakantie, bun ik nog steeds bli-j
Wanneer ik de brug van Emmerich op ri-j
‘t land aon ’t waoter, bi-j den Eltense Bölt
Daor he’k mien veur altied ’t hart aon vespuld

Land aon de grens, land aon de grens,
Hier bun ik thuus, in dit land aon de grens
Land aon de grens, land aon de grens,
Hier bun ik thuus, alles naor wens

Gezongen door: Mulder & Van Gorkum
Tekst & muziek: Paul Mulder
(van de CD Laeven is leven)

naar Mulder & Van Gorkum

Deze pagina is bijgewerkt op