Rivier

De zon die schient, wi-j zitten bi-j de rivier
daorbaoven op d’n diek
waor de schepen gaon
waor ’t waoter stroomt, langzaam naor de zee

Wi-j daelen onze dag, ons geluk en ons gelach
Wi-j kieken naor de lucht, naor de wolken in hun vlucht
Een vroege bij die zoemt zien lentemelodie
a’s ‘t perfecte lied bij weer zo’n mooie dag

En a’j mien soms niet ziet, dan bun ik bi-j de rivier
daorbaoven op d’n diek
waor de schepen gaon
waor ’t waoter stroomt, langzaam naor de zee

‘k Vuul mien a’s een jonge jong, ik heur de wiend, ik vuul de zon
Een zwaluw vliegt aover het land, ik vuul ow hand zacht in mien hand
D’n aovond kump t’r aon, bi-jna tied um weer te gaon
En ik kiek dankbaar terug op weer zo’n mooie dag

En a’k ter niet meer bun, zuuk mien bi-j ’n rivier
baovenop ’n diek
waor de schepen gaon
waor ’t waoter stroomt, langzaam naor de zee

Waor de schepen gaon
waor ’t waoter stroomt, langzaam naor de zee

Tekst & muziek: Paul Mulder
(van de CD Rivier)
terug naar Paul Mulder

Deze pagina is bijgewerkt op