TOAL EN TAIKEN

TIEDSCHRIFT VEUR GRUNNEGER KULTUUR

17e Joargang nummer 4, juli / augustus 1999
Toal en taiken op het web

Beeld veur Ede Staal

Op 10 juli muik gemainte Delfziel bekend, dat ter plannen binnen om op diek bie t Eemshotel n beeld te ploatsten dat inspireerd is op t waark van Ede Staal (1941-1986). Kunstenoar Chris Verbeek oet Blijham het doar n ontwaarp veur moakt. t Wordt n acht meter hoge 'kegel' van cortèn stoal (n soort stoal doar t boetenste loagje n rosteg aanzain van krigt), mit doarom tou wikkeld n soort lint van roestvrijstoal, doar n tekst oet 'Credo, mien bestoan' op zet wordt. Bovenop, komt n 'gloazen bol', as symbool veur t lichtend veurbeeld dat Ede veur n bult lu is. t Beeld komt in gemainte Delfziel omdat Ede doar zien leste joaren deurbrocht het.
t Is nog nalt rond mit de centerij, moar lu of bedrieven dij biedroagen willen binnen van haarten welkom. Der is dik 65.000,- gulden neudeg en joen biedroage is welkom op giro 839180 onder vermelden van 'Gift monument Ede Staal'.
Meer inlichtens of n sponsorformulier kinnen opvroagd worden bie Wieger van der Steeg van gemainte Delfziel, tel. 0596-639391 of via Internet: http://www.delfzijl.nl.

terug naar Ede Staal

Deze pagina is bijgewerkt op