BIE HEUR


Veur zo as zai mie wakker holdt.
Mien zuit mien peper en mien zolt.
En ook zo as zai veur mie staait.
In t mouderlieke noakend klaid.
Mien zinnen streelt mie nooit verveelt.
Veur hou zai laagt veur hou zai zaacht.
Mien stoppelwangen doetjes dut.
Mien schoel bie tieden en mien schut.

Veur heur.

Veur overainkomst en verschil.
Veur dat zai bie mie weden wil.
Mien beter helft mien pazzipant.
Mien tegensproak mien rechterhaand.
En veur n antwoord en n vroag.
Van guster mrn en vandoag.
En veur zo as zai bie mie heurt.
Veur zo as zai mien doagen kleurt.

Veur heur.

Veur hou zai schoont en spirreweert.
t Ol stee binnenste boeten keert.
Veur zo as zai mit mie vergruit.
Zo as zai aaltied stroalt en bluit.
Zo as zai deur mien leven wuilt.
Mie waiten lat hou laifde vuilt.
En zai ik t even in meneur.
Dn holdt ze mie n spaigel veur.

Veur heur.

Veur hou zai veur de spaigel staait.
En kureg kikt en nikt en draait.
Zo as zai schuddeldouken voldt.
En veur zo as zai van mie holdt.
Zo as zai swiegt zo as zai prat.
Zo as zai dut zo as zai lat.
Zo as ik bie heur weden kin.
Zo as ik wil zo as ik bin.

Bie heur.

Tekst en muziek: Hans van der Lijke

van de cd: Dagbouk van n troubadour, 2015

terug naar Hans van der Lijke

Deze pagina is bijgewerkt op