OME HENDRIK

Ome Hendrik, ome Hendrik,
mit dien vergrèlde kop
belst doe mie weer op.
Ome Hendrik, ome Hendrik,
t is weer hailemoal vlop!

Ome Hendrik, t is swoar kloten.
Doe hest twij linker poten.
En hailemoal gain geduld.
Gefst de kompjoeter weer de schuld.

Ome Hendrik, ome Hendrik,
mit dien vergrèlde kop
belst doe mie weer op.
Ome Hendrik, ome Hendrik,
t is weer hailemoal vlop!

Ome Hendrik, ik heur die brommen.
Ik mout vot bie die kommen.
Ik stap direkt op plof
en den vlaig ik der op of.

Ome Hendrik, ome Hendrik,
mit dien vergrèlde kop
belst doe mie weer op.
Ome Hendrik, ome Hendrik,
t is weer hailemoal vlop!

Ome Hendrik, doe olle zoeze,
hest de boudel weer in toeze?
Vuurrood is dien dikke kop.
Eet dien tebletjes eerst even op.

Ome Hendrik, ome Hendrik,
mit dien vergrèlde kop
belst doe mie weer op.
Ome Hendrik, ome Hendrik,
t is weer hailemoal vlop!

Ome Hendrik, olle kloffie,
dou mie mor eerst even n bakkie kovvie.
Mainst nou dat ik nait lekker bin?
Haarst der weer gain stekker in.

Ome Hendrik, ome Hendrik.
Het is al weer kloar.
t Is dik veurmekoar.
Ome Hendrik, ome Hendrik.
Moi! En tot n aander moal!

Tekst: Henk Puister
muziek: Krzysztof Groen

van de cd: Noar de volgende ronde, 2018

terug naar Krzysztof Groen
Deze pagina is bijgewerkt op