GELUKKEG IN DE REGEN

k Verbeeld mie zulf dat ik wat bin
dat de deuren opengoan
k Verbeeld mie zulf da k hail wat kin
As ale steerns verkeerd stoan
t Gestoag getik op parreplu
Loat t leven zain zoas het is
Nait laank en nait te daip
Botter bie de vis

Ik bin gelukkeg in de regen
k Kom miezulf den aaltied tegen
Ik bin gelukkeg in de regen
k Kom miezuf den aaltied tegen

k Verbeeld mie voak da k hail wat zeg
Over grode dingen en klaainen
Den is n auto n stuk blik
en t schierste hoes n bulde stainen
k Verbeeld mie da k gelukkeg bin
in zunne, snije en regen
k Verbeeld mie ook dat ik wat bin
mor k kom miezulf den aaltied legen

Tekst en muziek: ALEX VISSERING

van de cd: Gelukkeg in de regen

terug naar Alex Vissering

Deze pagina is bijgewerkt op