MEZIEK OP DIEK

Bist flaauw van pootjes geven
Hest drokte hailemoal had
Zuik den de rust en kaalmte
Van de polder en van t Wad

t Geroup gait mit, mit de vogels
t 6ekloag waait vot mit de wind
t Gereer verdwient in golven
Ik vuil mie hier n zundagskind

Op t schierste stee van t heelal
zingt n raitvink zaacht de blues
Op raand van zee, kwelder en diek
Vindt n boardmaiske hier zien thoes
Heurst ast stil bist bloods meziek
Meziek op diek

Kiekkaast stait trots op Dollert
Iezern poten in t vrizze sliek
In n raitpluum bie de trabbe
Zingt n blaauwborst wereldmeziek

Mit kluten en wilpen en mit zeekoapen
Mien god wat vuil k mie hier goud
n Mins kin hier nait zunder leven
Echte laifde, eb en vloud

Op t schierste stee van t heelal
zingt n raitvink zaacht de blues
Op raand van zee, kwelder en diek
Vindt n boardmaiske hier zien thoes
Heurst ast stil bist bloods meziek
Meziek op diek

Tekst en muziek: ALEX VISSERING

Van de cd: Vogeltjesman

naar Alex Vissering

Deze pagina is bijgewerkt op