AINE VEUR DE HEREN

Narren rabbelen met heur bellen
clowns daansen om die hin
zoveul lollegs te vertellen
ach doe bist ja noeit allent

Aiveg braandt dien loatste filter
kringels slingeren drouf omhoog
n haarde laach, dan even stilte
dien heufd ain tel veurover bogen

refrein:
En nog aine veur de heren
en nog aine veur de road
en nog aine om t of te leren
doe, doe holst die aaltied groot

interlude

Schare glidt over dien wangen
uut duuster van vergeten uren
t schrienen van n old verlangen
ach t zil dien tied wel duren

Want aiveg braandt dien loatste filter
clowns daansen om die hin
narren rabbeln met heur bellen
ach doe bist ja noeit allent

refrein (2x)

Tekst: ANDRÉ BRALTS
Muziek: JOOP DOUWMA

dit lied kwam tot stand dank zij de medewerking van de Stichting Nij

naar Woarom Nait?

Deze pagina is bijgewerkt op