VELDEKE

1996 nr.4

Limburgse troubadours

Herman Veugelers

Herman woerd in 1937 in Obbicht gebaore oet Limburgse ouwesj. Wae hŽŲm op zienne verjaordaag 'n kaart wilt sjikke, hooft mer draan te dinke wat op 18 September, de bevrijding van Obbicht, gebuuŽrde. Wie hae mit zienne pap nao de "dreuvige" (e verkennings-vleegmesjientje) kieŽk, zag de pap: "Noe is 't aafgeloupe". En doe: "VerdŲld, doe bes jaorig vandaag". Hae deeg de ambachsjoeŽl, kreeg diploma bankwirker en automonteur, wirkde es sjtaoker bie de Marine, waor doe van alle waere gewesje en gong sjtudere. College Sittard, Rolduc en ofsjoeŽn e dek ene trui druuŽg, waor hae ouch effe gekleid. Hae haolde 't diploma vormingsleider en M.O. pedagogiek. Hae wirkde es vormingsleider aan de LaevessjoeŽl, docent aan de sociale academie, Klos, Pabo, en is noe nog verbonge aan de Hogeschool Maastricht.
Wie kump Herman aan zienne muzikale achtergrond? Mit 11 jaor kreeg e eine moeŽnika en sjpieŽlde binne twieŽ waere alle sjlagers (hoeŽgtepunt: als de klok van Arnemuiden). Doe wis de mam: dae jong haet talent en goof 'm 't letste financiŽle duujke vuur 'n gitaar die hae in zienne vrieje tied bieein gesjpaard houw. NoeŽts muziekles gehad, dat waor te duur en ze houwe 't neet te breid, en de enige plaatsj woeste muziek kos make waor de hermenie, me dat waor tevšŲl 'n zoepclub vuur zoeŽne jonge jong. Vuur 3 kwartjes lieŽrde hae 5 accaorde en vuur de res, en dat is nogal get, is Herman autodidact. Noe haet e eindelik les: accordeon van e leef jonk vrŲwke. Me dat deit e allein vuur zien eige plezeer (dat accordeonsjpieŽle). Mit 15 jaor sjrieŽf en zong hae zien ieŽsjte leedjes, me mit zien mieŽ geŽngegeerde leedjes begos hae in 't begin van de zestiger jaore. Doer die leedjes op zien gitaar is hae bekind gewoere, leedjes taege de behandeling van Silicoseliejesj, taege sjleting van de koel, taege Afcent, KVP, CD, taege de neutronebom, kerncentrales, taege DSM dat Graathei wilt inpikke, taege mergel- en grindaafgravinge, aanlegk van de Oost-West baan en A 73, taege bedriefssjletinge, Gijsen, RoeŽme mit zinge ganse santekraom, taege God en d'r duuvel . Sommige luuj ervare dat es negatief, me hae is gaar neet negatief. Hae kump op vuur de luuj die oetgebuit waere, die ongerligke (behalve bie 't vrieje), vuur ouwere die waere omgepaot, vuur kinger die sjlachoffer zint van hun gezin, vuur Antocha Antonina, Ning Nang, Theresina, Fer Sjrieje, de BoejekuuŽning, NŲlke Sjmeets en al die anger luuj die in zien leedjes bezonge waere, want die besjtond noe nog ach.
Herman is vuur všŲl, vuur Pax Christi, Novib, Memisa, Greun-Links, Derde Waereldwinkels, Bis, pesjtuurs wie Miedema, Wiel Meertens, of Sjaak Meisters dae zich in Brazilie oet de nšŲd wirkt vuur de allerermste prieje van Rio de Janeiro (woeŽ Herman zien bieein gezonge geld her opsjikt).
Me dit artikel zou gein rech doeŽn aan Herman es neet zienne humor vermeld woerd. Hae hilt os wakker, me ummer mit ene glimlach of ene daverende lach, want hae haet 'n sjtum wie 'n klok. 't Is zoeŽ wie zoeŽ ene gezellige miensj mit al zien hobbies: zien hinne, zienne gaard, 't tummere, sjrieve, zinge, laeze, goow films kieke, fotografere. Hobbies genog, me Mia blief zien leefhŲbberie.
Van hšŲm zint versjieŽne:
-Saneringsroute (LP uuŽver aafgravinge)
-Gape taege ene Bakaove (LP)
-EP bie de šŲpening van de ROZ studio
-Tekste van de productie "Es de wind] zich drejt"
-Leedjes op de CD "Kerstmis in Limburg"
-Leedjes op de CD "Limburg Greun"
-Ich speur 't weer: Beppie Kraft en Ben Erkens zingen Herman Veugelers
-Boete de productie van "Es de windj zich drejt" sjrieŽf hae De heks van Limbricht, woeŽ van de leedjes ouch op band te kriege zint, hae vertaalde sjtŲkker van 't Nederlands nao 't dialect, of maakde van einacters e aovendvŲllend sjtŲk (bv. Pitten van Heyermans), vertaalde en bewirkde sjtŲkker van MoliŤre (De ingebeelde zieke) of van Holberg dae ze de Deense MoliŤre neume (bv. Hendrik en Peril). WieŽr sjrieŽf hae ontelbare revuetekste, tekste of einacters vuur de kirk, tekste in e katechetetiedsjrif enz. Alles bieein ene miensj woeŽ dialectminnend Limburg gruuŽtsj op maog zin.

Vrie nao Herman. Colla Bemelmans.

terug naar Herman Veugelers

Deze pagina is bijgewerkt op