BLUUF 'T ZÊÊUWS BEWAÊREN !

'k Vraêg m'n eigen dikkels of
En 'k maêk me soms ok kwaêd
Om à oâns môôie dialect
Toch glad te niete gaêt
En zelfs ok in et Nederlands
Is t'r een ommezwaai
Om à tet zò ver-Engelst wor
En dat is nie zò fraai
Dat butenlandse praten is een kwaêl
En goeie raêd wor in de wind eslogen
Oâns motten waêrde echen an de taêl
Di à m'in bin geboren en getogen

Refrein:
Bluuf 't Zêêuws bewaêren
Doe dat zo lank à je leeft
'k Oop an julder mie z'n aalen
Dì je krachen ok an geeft
Wan dat ôôr bie 't Zêêuwse erfgoed
Ouw tet in stand
Van Ulst toet in de Kop van Schouwen
In Walch'ren en Zuud-Beveland

Wì j' as kind bin op-egroeid
Dan lêêrde je direct
In de omgevienge en tuus
Je eigen dialect
Wat à j'in dien tied ei elêêrd
Dì bì je mie vertrouwd
En dirrem is 't zo waêrdevol
Dus zurg à je 't zo oud
Weun je 'in 'n aare streke van et land
Om à je nôôdgedwongen most verkassen
Ouw toch de taêl van 't eigen volk in stand
Oewel je wè je`n eigen an mò passen

van de single-cd: "Bluuf 't Zêêuws bewaêren", 2007

naar Bei Cok

Deze pagina is bijgewerkt op