BEGRAEF ME

Ik zien je a kieke: wat riedt die man ‘ier?
zò’n ouwen ‘oor thuus bie ‘t biljart en bie ‘t bier
wan ai-je gin vrauwe, d’r is toch de soos
mè fietse-in de kouwe - dan is t’r wat loos

Begraef m’ in m’n jas en m’n pette
en geeft dan m’n fiets ook mè mee
m’n bandenplakdoôze, m’n sjek of siegretten
m’n rond’ elken dag en ik bin tevree

Neê, ik è gin vrouwe, z’is allank uut de tied
me bin laete getrouwd, wan een ’uus was t’r nie
gin kinders, wè zurgen, ik wèrrekte ‘ard
in wind en in regen, ik dee ik m’n part

Begraef m’ in m’n jas en m’n pette
en geeft dan m’n fiets ook mè mee
m’n bandenplakdoôze, m’n sjek of siegretten
m’n rond’ elken dag en ik bin tevree

Ja meneer, ‘t is een wonder, da 'k ‘ier nog riee
fuuftig jaer menne en spitte en wiee
mè noe bin ik vrie en den dag is van mien
lae mien mè fietse - nog even misschien

Begraef m’ in m’n jas en m’n pette
en geeft dan m’n fiets ook mè mee
m’n bandenplakdoôze, m’n sjek of siegretten
m’n rond’ elken dag en ik bin tevree

Ik è zò m’n rondje - eerst na d’n diek
een keer langst den ‘oeve, de gos-drogeriee
ik gaen nooit zò vèrre, dan ‘oor ik nie moee
tenminste zò lank as m’n beênen ’t nog doee

Begraef m’ in m’n jas en m’n pette
en geeft dan m’n fiets ook mè mee
m’n bandenplakdoôze, m’n sjek of siegretten
m’n rond’ elken dag en ik bin tevree

Den boer die riee trekker, die is nog an ‘t wèrk
maer ik, ik mag fietse - is dát noe nie sterk?
wind in de rugge, wind op de kop
en wind in m’n banden - ik geve nie op...

Begraef m’ in m’n jas en m’n pette
en geeft dan m’n fiets ook mè mee
m’n bandenplakdoôze, m’n sjek of siegretten
m’n rond’ elken dag en ik bin tevree

Tekst: Jan Zwemer, Serooskerke
(melodie: Fiddlers Green van John Connoly)
terug naar Jan Zwemer
Deze pagina is bijgewerkt op